Madaxweynaha Ukraine Volodymyr Zelensky, ayaa ku dhawaaqay in xulafadiisa uu ka helay hubkii uu ka dalbaday si uu ugu adeegsado dagaalka ka socda dalkiisa.
Sidokale Dowladda Canada ayaa sheegtay inay siisay ciidamada Ukraine madaafiic culus, taasoo daba socotay ballan-qaadkii Ra’iisul Wasaare Justin Trudeau ee horaantii toddobaadkan, taasi oo ku saleeysneed inuu madaafiic culus siin doona Ukraine si ay isaga caabbiso weerarrada kaga imaanayo Ruushka.
Madaxweyne Zelensky ayaa sheegay in Kyiv, ay heshay hubkii ay ka codsatay xulafadeeda, iyagoo tixgalinaayo hadalkii hoggaamiyaha Ruushka ee ka tarjumayay damaca Moscow ee ku qotoma in ay ku duusho dalal kale iyo in weerarka Ukraine uu yahay bilow.
