Ciidanka sida gaarka ah u tababaran ee dowladda ayaa howlgal qorshaysan ka fuliyay degaanka Basra iyo deegaano kale oo ku dhow dhow, halkaas oo lagu beegsaday xubno ka tirsanaa argagixisada Al-Shabaab oo si dhuumaalaysi ah ku joogay deegaanadaas, ciqaab iyo boobna ku hayey shacabka deegaanadaas.
Ciidamada dowladda ayaa laayay Argagixisadii ay ku weerareen deegaanadaas, halka kuwo kalena ay nolosha ku qabteen, sidoo kale waxaa howlgalka lagu burburiyey goobo ay dadka ku baadi jireen, sida ay warbaahinta Qaranka u xaqiijiyeen saraakiisha hoggaamineysa howlgalkaan.
Sidoo kale saraakiishu waxay noo xaqiijiyeen inay sii daayeen dad shacab ah oo u afduubnaa kooxda, kuwaas oo ganacsato u badnaa, isla markaana loo heystay baad ay ka rabtay argagixisadu.
