Gudoomiyaha Hay’adda Maareynta Musiibooyinka Qaranka Mudane Maxamuud macalin Cabdulle oo maalmahan safar shaqo ku joogo dalka Turkiga ayaa kulan la qaatay madaxda ugu sareysa hey’adda Bisha Cas ee dalka Turkiga. Gudoomiyaha iyo wafdigiisa waxaa halkaas kusoo dhaweeyay Alper Kucuk oo ah Agaasimaha guud arrimaha caalamiga ee Bisha cas Turkiga.
Gudoomiyaha Hay’adda Maareynta Musiibooyinka Soomaaliya Maxamuud Macalin ayaa ugu horeyn ka mahadceliyay soo dhaweynta sareysa ee loo sameeyay asiga wafdigiisa maalmaha ay joogeen dalka Turkiga, wuxuu sidoo kale kaga mahadceliyay guud ahaan shacabka Turkiga iyo Bisha Cas garab istaaga ay u fidiyeen shacabka Soomaaliyeed ee soo maray marxaladaha adag.
Alper Kucuk Agaasimaha guud ee arrimaha caalamiga Bisha cas Turkiga ayaa u sheegay Wafdiga Hay’adda Maareynta musiibooyinka in ay Bisha cas Turkiga diyaar u tahay in ay si dhow ula shaqeeyso, asigoo u balan qaaday in ay ka tageeri doonaan arrimaha gurmadka deg deg oo ay Bisha cas Turkiga khibrad dheer u leedahay.
