Guddoomiyaha Gobolka Banaadir ahna Duqa Magaalada Muqdisho Mudane Cumar Maxamud Maxamed (Cumar Filish) ayaa maanta xilka u kala wareejiyay guddoomiyihii hore ee degmada Hiliwaa Cabdixakiin Cumar Cabdulle iyo Guddoomiyaha cusub ee degmada loo magacaabay Mire Salaad Dhuxulow.
Munaasabadan xil wareejinta ah oo ka dhacday xarunta degmada Hiliwaa ayaa waxaa goobjoog ka ahaa taliyaha qeybta guud ee ciidanka boliiska Soomaaliyeed, taliyaha Nabad Sugida gobolka Banaadir iyo Guddoomiye ku-xigeenka arimaha bulshada Gobolka Banaadir.
Guddoomiye Cumar Filish ayaa dhawaan is-bedel ku sameyey maamullada ilaa afar degmo oo ka tirsan gobolka Banaadir, kuwaas oo markii laga reebo Hiliwaa oo uu u magacaabay Mire Salaad Dhuxulow, inta kale uu ku xigeenadoodii – ku sime uga dhigay.
