Ciidanka Xoogga Dalka Soomaaliyeed iyo ciidamada ammaanka Jubbaland oo iskaashanaya ayaa 10 dhagarqabe oo ka tirsanaa khawaarijta Al-Shabaab maanta ku dilay deegaanka Muuse-Xaaji oo hoos taga degmada Jamaame ee gobolka Jubbada Hoose.
Taliyaha Ciidanka Daraawiishta Jubbaland S/Guuto Ismaaciil Saxardiid Keydsane ayaa TV-ga Jubbaland u sheegay in ciidamadu ay maanta weerar ku qaadeen kooxdaan kadib markii ay ka war heleen goob ay isku aruursanayeen, halkaasi oo jab xoogan lagu gaarsiiyey Khawaarijta.
Waxaa lasoo bandhigay sawirrada Meydadkii Khawaarijta lagu laayey deegaankaas, waxaana gobolka Jubbada Hoose ka socda howlgal Khawaarijta looga sifeynayo.
