Madaxweynaha iyo wafdiga uu hogaaminayo oo kasoo amba baxay caasimadda wadanka ayaa soo gaaray magaalada Sharm Sheik ee dalka Masar waxaana garoonka kusoo dhaweeyay Ra\isulwasaaraha Masar halkaasoo dowladda Masar ay ku casuuntay shir muhiim ah oo ku saabsan dhaqaalaha dalkan,hirgelinta mashaariic horumarineed iyo maalgashi kaasoo socon doonaa muddo sadex maalmood ah.
Shirkan uu madaxweynaha jamhuuriyadda federaalka Soomaaliya ka qeyb galayo ayaa waxaa sidoo kale lagu casuumay madax ka socota 80 wadan iyo 23 urur oo caalami ah Β waxaana inta uu socdo xubno katirsan ganacstada Soomaaliyeed gaar ahaan rugta ganacsiga oo wafdigan katirsan Β ay arki doonaan maal qabeeno iyo ganacsato kale.
Safiirka Soomaaliya ee dalka Masar ayaa warbaahinta Qaranka u sheegay in shirkan Soomaaliya ay wax badan ka heli doonto marka la eego ka qeybgalka shirka ee sareeya.
Madaxweynaha Soomaaliya Xassan Sheekh Maxamuud ayaa khudbad ka jeedin doona shirkaasi iyadoo Soomaaliyana ay wax weyn ka kororsan doonto shirkan oo kuwo noociisa ah dalkeena loo qaban doono xili uu dalkeena kasocdo heshiiska hiigsiga cusub ee New Deal.
Photo By,Ilyaas Jamaal
