Wasiir ku xigeenka Wasaaradda Maaliyadda Xukuumadda Federaalka
Soomaaliya Xill. Maxamud Xayir Ibraahim oo ka mid ahaa waftigii
Ra’iisul Wasaaraha ku wehliyey safarkii uu ku tagay deegaanada
Puntland ayaa kula tukaday salaadii Ciiida kumanaan qof degmada Carmo
ee gobolka Bari.
Wasiirka ayaa salaada ka dib dadka la hadlay ayaa sheegay in
xukuumadda Soomaaliya ay dadaal ugu jirto sidii dib loogu howl galin
lahaa dugsiga tababarka ciidanka Booliska ee degmada Carmo oo
sanadihii ugu danbeeyey aan si wanaagsan u shaqayn,
Waxaa sidoo kale wasiirku uga waramay dadwynihii isugu yimid Salaada
Ciida in dowladda Soomaaliya ay horumaro badan ka samaysay dhanka
nabadgalyada iyo dib u dhiska, horumarinta dhaqaalaha iyo dhisida
maamul goboleedyada, hadana ay u yimaadeen Puntland sidii loo xalin
lahaa madmadowga soo kala dhex galay,
Wasiirka ayaa uga mahadceliyey dadka reer Carmo sida wanaagsan ee u
soo dhaweeyeen qaxootiga u dhashay dalka Yemen oo soo gaaray degmada
isla markaan ku booriyey iney xoojiyaan amniga gacana ka gaysta wax u
qabashada dadka ka soo cararaya dagaalada ka socda dalka Yeman,
