Xaruunta Hano Academy oo ka mida Xaruumaha waxbarasho ee Magaalada Muqdisho ayaa Deeq iskugu jirta Waxbarasho iyo shaqo abuurย siisay qaar ka mida muwaadiniintii Soomaaliyeed ee dhibaatadu kasoo gaartay Qaraxii 14 october.
Munaasabad lagu qabtay Xaruunta Hano ayna ka qeyb galeen Masuuliyiin ka tirsan Dowlada Federaalka Soomaaliya ayaa lagu qabtay Magaalada Muqdisho ee Caasimadda Dalka.
Related posts
Xaruunta Hano ayaa deeq Waxbarasho siisay 12 Caruur ah oo ku agoontoobay Qaraxii 14 October ee ka dhacay Isgoyska Ex Soobe halka ay shaqo abuur u sameeyeen 10 qoys oo ka mid ahaa dadkii ganacsiga yar yar ku lahaa Soobe.
Munaasabadda ayaa waxaa ka qeyb galay Wasiirka Waxbarashada iyo Tacliinta Sare ee Xukumadda Federaalka Soomaaliya Mudane C/raxmaan Daahir Cismaan,Agaasimayaal ka socday Wasaaradaha Caafimaadka iyo Gargarka iyo Masiibooyinka iyo Warfaafinta.
Wasiirka Wasaaradda Waxbarashada xukumadda Federaalka Soomaaliya ayaa sheegay in ay masuuliyad weyn ka saaran tahay bulshada Soomaaliyeed gacan siinta Caruurtii ku agoontoobay Masiibadii 14 October isagoona ku amaanay Maamulka Xaruunta Hano Academyย sida ay iskugu howleen wax u qabashada dadkii waxyeeladu ka soo gaartay Qaraxii Ex Soobe.
Maamulaha Xaruunta Hano Academy DR sacdiya Siyaad oo goobta ka hadashay ayaa tilmaantay in ay muhiim tahay garab istaaga iyo ka warqabida muwaadiniintii Soomaaliyeed ee ku waxyeeloobay Qaraxii Soobe.
Qaraxii 14 October ee Sanadkii 2017 ka dhacay Magaalada Caasimadda ah ee Muqdisho ayaa ahaa mid dhamaan ay ka xumaadeen bulshada Soomaaliyeed iyo Dowladaha Islaamka waxaana bilowday Caawimaad loo fidinaayo dad dhibanayaasha u noqday Qaraxaasi.
.
