Senator Xasan Iidow Kobac ayaa sheegay inay joogteynayaan biyo dhaaminta ay u sameeynayaan qoysaska ay abaartu saameysay ee ku nool deegaanno ka mid ah Gobolka Hiiiraan.
Senator Xasan Iidow Kobac oo wareysi gaar ah siiyay Radio Muqdisho ayaa sheegay in dadka uu biyo dhaaminta u sameeyay ay ahaayeen qoysas ay abaartu ku laaysay deegaanno ka mid ah Gobolka Hiiiraan.
“Maanta oo ay taariikhdu tahay 22/03/2022 waxaa inoo suuro gashay inaan sii wadno howlaheeniii biyo dhaaminta ee aanu ku caawineynay dadka aabaruhu saameeyeen ee ku dhaqan deegaanno hoostaga gobolka Hiiraan, waxa ayna inoogu soo dhamaatay si wanaagsan, waan sii wadi doonaa kaalmada aan gaarsiineyno dadka Soomaaliyeed intii aan karno”. Ayuu yiri Senator Xasan Kobac.
Senator ka ayaa xusay in dadka da’da ah iyo carruurta ay u dhimanayaan gaajo iyo haraad, ayna u baahanyihiin gurmad beni”aadanimo oo deg deg ah, isagoo tilmaamay in wixii tabartiisa uu markasta la garab taaganyahay Qoysaska ay abaaruhu aafeeyeen.
