Senator Xasan Iidow Kobac oo ka tirsan Senatarada laga soo doortay Hirshabeelle ayaa gurmad biyo dhaamin u sameeyay dadka ay abaartu ku saameysay deegaanno ka tirsan Gobolka Hiiraan.
Senator Xasan Iidow Kobac oo la hadlay Warbaahinta Qaranka ayaa sheegay in dadka uu biyo dhaaminta u sameeyay ay ahaayeen qoysas ay abaartu ku laaysay deegaanno ka mid ah Gobolka Hiiiraan.
“Waxaan biyo dhamaamin ka sameeyay deegaanno ka tirsan Gobolka Hiiraan oo dadku ay abaartu ka dhameysay xoolihii ay dhaqan jireen, waxaana iga go’an in guud ahaan deegaannada Hirshabeelle aan intii tabarteyda ah gaarsiiyo kaalmada biyo dhaaminta ah”. Ayuu yiri Senator Xasan, oo hadalkiisa ku daray “Waxaa maanta Illahay nagu guuleeyay inaanu biyo dhaamin u sameyno qaar kamid ah bulshoweynta kunool deegaanno ka mid ah Gobollada Hiiraan iyo Bakool, kuwaa oo aad iyo aad ay u saameysay abaaraha wadanka ka jira”,
Senator Xasan Iidow Kobac ayaa xusay in uu sii wadi doono caawinta walaalaha Somaaliyeed markasta iyo meelkasta oo ay ka joogaan gudaha dalka.
“Anigoo ka jawaabaya baaqa iyo baahiyaha ka jira isbitaalka shacab Hospital waxaana si deg deg ah uga falceliyay baaqii dadweynaha iyo dhakhaatiirta reer Beletweyne, markasta iyo meel kasta, waxaan diyaar u ahay inaan dadkeyga u adeego”,ayuu hadalkiisa ku daray.
