Wasiirka Wasaaradda Caafimaadka ee Xukuumadda Federaalka iyo Wasiirada Caafimaadka ee Dowlad Goboleedyada ayaa maanta yeeshay Shirka Guddiga Hogaanka Mashruuca Damal Caafimaad.
Kulanka ayaa ku qabsoomay hanaanka fogaan aragga ee Zoom-ka, waxaana goob joog ka ahaa dhammaan Wasiiarada Caafimaadka ee Dowlad Goboleedyada qeybta ka ah dowladda Federaalka.
Kulamka waxaa Shir-guddoominayay Dr. Fawziya Abiikar Nuur, waxaana diiradda lagu saaray dardargelinta hawlaha Mashruuca Damal Caafimaad iyo dhameystirka hannaanka loo marayo adeeg bixinta mashruuca iyo Hay’adaha Fulinaya Mashruuca, iyadoo Nimdaamka ay ku heshiiyeen Dowladda Soomaaliya iyo Bangiga Adduunka.
Wasiiradda Caafimaadka ayaa isku waafaqay in la xoojiyo dadaalada lagu horumarinaya Adeegyada Caafimaadka dalka, sidoo kalana la iska kaashaado sidii Mashruuca Damal Caafimaad uu u guuleysan lahaa, una noqon lahaa mid hufan oo mas’uuliayadiisa loo wada dhanyahay.
