Dhallinyarada magaalada Marka ee xarunta gobolka Shabeellaha hoose ayaa kulan ciyaareed ku soo dhoweeyay ciidanka amniga oo cagta mariyay Khawaarijtii shacabka ku dhibaateyn jiray deegaanada xeebta.
Kulankani ciyaaraha ayaa ahaa mid lagu xoojinayay isdhaxgalka dhalinyarada degmada iyo ciidamada amniga degamada si loo adkeeyo is-dhexgalka iyo wada shaqeynta bulshada degmada iyo ciidmada.
Dhalinyarada qaarkood oo la hadlay warbaahinta qaranka ayaa sheegay in ay ku faraxsan yihiin kulankan ciyaaraha ahaa ee ay ciyaareen saraakiisha iyo ciidamada amniga degmada, islamarkana uu xoojin doono is-dhexgalka bulshada.
Ciidamada sida gaarka ah u tababaran ee Booliska Haramcad iyo NISA ayaa maalmihii u dambeeyay deegaano hoostaga degmadaas ka waday howlgallo ka dhan ah Khawaarijta Al-shabaab.
