Doorashada seddexda maalmood ee Masar, ayaa si weyn loogu arkaa Guusha Sisi, madaama uu la tartamayo mid ka mid ah taageerayaashiisa, Mousa Mustafa Mousa, oo ah siyaasi aan wax baan laga aqqoon oo taageeri jiray madaxweyne Siisi,abaabuli jirayna dhacdooyinka si loo caawiyo magacaabista taliyihii hore ee millatariga.
Labo musharrax oo kale oo la tartami lahaa Madaxweyne Sisi ayaa isaga haray tartanka, halka mid saddexaad oo ahaa hoggaamiye hore oo militari la xiray, laguna eedeeyay in uu xilka madaxweynenimo u tartamayay asagoon haysan wax fasax ah.
Saacado ka hor inta aanan la furin goobaha cod bixinta saraakiisha Masar waxa ay sheegeen in ciidamadodu ay dileen lix mintidiin ah kuwaas oo ka dambayey qarax bambaano oo sabtidii lagu qaaday Magaalada Alexandria waxayna shegeen in ay ku bartilmaameedsanayeen Masuul ka tirsan laaamaha ammaanka.
Saraakiisha Ciidamada Militariga ayaa sheegay in doorashada Masar ay tebinayaan Warbaahinta gudaha iyo kuwo caalamiga ,waxaana si aad ah loo adkeeyay amaanka guud ahaan dalkaasi gaar ahaan goobaha codbixinta ay ka socoto.
