Shaqaalaha guddiga la socodka iyo dib u eegista dastuurka Soomaaliya ayaa maanta waxaa magaalada Muqdisho uga furmay tababar ku saabsan xiriirka ama communication kaas oo labo maalin u socon doona, sida furitaanka siminaarkaas ka sheegay guddoomiyaha guddigaas.
Waa markii labaad oo tababar loo qabanayo shaqaalaha cusub ee guddiga baarlamaanka Soomaaliya u qaabilsan la socodka iyo dib u eegista dastuurka qabyada ah.
Senator, Cabdi Xasan Cawaale Qeyb-diin oo ah guddoomiyaha guddiga ayaa sidoo kale sheegay in marka uu dhamaado tababarka shaqaalaha loo qeybin doono waaxiyaha uu u qeybsan yahay guddiga, isagoo ku adkeeyay in ay ka faa’ideystaan tababarkan.
U jeedka tababaradan ayuu Senator-ka ku sheegay in ay tahay sidii howlwadeenada u baran lahaayeen shaqada loo igmaday.
