Kulankan uu Wasiirka Beeraha iyo Waraabka Soomaaliya mudane Saciid Xuseen Ciid uu xafiiskiisa kula qaatay safiirka dalka Qatar u fadhiya Soomaaliya Xasan Xamza Asad ayey kaga wada hadleen qodobo dhowr ah oo ay Ka mid ahaayeyn Xoojinta xiriirka labada dhinac , dar dargelinta heshiisyadii dhexmaray labada doowladood iyo in dalka Qatar loo Dhoofiyo dalagyada kasoo baxa dalka.
Safiirka dowladda Qatar ee Soomaaliya Xasan Hamza Asad ayaa tilmaamay in dowladda Qadar ay soo dhoweynayso in la dardar geliyo xiriirka labada dhinac Waxuuna Wasiirka soo gaarsiiyay fariin uga timid dhigiisa dalka Qadar.
Wasiirka Wasaaradda Beeraha iyo Waraabka Soomaaliya mudane Saciid Xuseen Ciid oo kulanka kadib warbaahinta qaranka ayaa sheegay in waxyaabaha ka wada hadleen ay kamid aheyd maalgashiga ganacsatada reer Qatar ku sameysan karaan Soomaaliya.
Ugu dambeyn Wasiirka Beeraha mudane Saciid Xuseen Ciid ayaa Safiirka dalka Qatar u fadhiya Soomaaliya u hadayadeeyay qaar kamida dalagyada wax soo saar ee dalka, Iyadoo kulanka labada dhinacna uu ku soo dhamaaday is afgarad.
