Guddoomiye Kuxigeenka Maamulka iyo Maaliyadda Gobolka Banaadir Mudane Ciise Maxamuud Guure ayaa ka qeybgalay munaasabad lagu soo gaba-gabeynaayey tababar socday muddo seddex maalmood ah oo lagu qabtay Macadka Maaliyadda & Maamul Wanaaga oo xaruntiisu tahay magaalada Muqdisho.
Tababarkan oo halku – dhigiisu ahaa “Hogaaminta Adeeg Bulsho oo Waxtar leh” ayaa ujeedadiisu ahayd sidii loo xoojin lahaa awoodda xirfadeed ee shaqaalaha qaar ka mid ah Wasaaradaha XFS iyo Maamulka Gobolka Banaadir.
Munaasabadan oo uu goobjoog ka ahaa Wasiir – ku – xigeenka Wasaaradda Maaliyadda ee XFS, waxa aan kula dardaarmay shaqaalihii tababarkan dhameystay in ay isticmaalaan aqoontii ay faa’iideysteen xilliga ay gudanayaan waajibaadkooda shaqo.
Ugu danbeyntii wuxuu ugu bishaareeyey shaqaalihii dhameystay tababarkan in la joogteyn doono tababarradan iyadoo had iyo jeer hor – tabin laga dhigi doono hadba baahida markaa jirta.
