Guddoomiye ku-xigeenka Hay’adda SoDMA Dr. Axmed Cabdi oo wehlinayo Maareeyaha XXarunta aran ee Howlgaladda Degdega ee NEOC Mudane Xasan Ciise, ayaa Maanta Daah furay Tababar aad ugu muuhiim ah Howlwadeenada Xarunta NEOC si ay u noqoto xarun Aqooneed oo ay ka hawlgalaan shaqaale gaar ah oo u diyaargaroobaya Gurmadka Degdega .
Tababarku waxa uu ku saabsanaa masiibooyinka dabiiciga ah ee bani’aadka sameeya oo aad u kala duwan, waxaana lagu nuux nuuxsaday astaamaha khatarta ugu badan ee Soomaaliya soo wajahdo, iyo sababaha keenay khataraha dabiiciga ah ee Soomaaliya.
Tababarkan ayaa si qoto dheer loogu qorsheeyay in lagu sharaxo ereyada Aas-aasiga ah ee Maareynta Musiibooyinka Khatarta si guud, Saamaynta suurtagalka ah Cawaaqibta ka dhallan karto dhibaatooyinka,Tallaabooyinka ay tahay in laqaado, u diyaar-garowga iyo u diyaargarowga dhimista saamaynta musiibooyinka.
Tababarkan ayaa waxaa gacan ka geystay soo jeedintiisa Mudane Cabdiqani Warsame oo ah (macalin marti ah oo ka yimid UK) waxaana gacan ka geystay khabiir sare oo u qaabilsan Xarunta NEOC Dhisidda Awoodda Maxmed Xirsi.
Gudoomiyey Mohamoud Moallin, ayaa khudbadii xidhitaanka ka jeediyay muhiimada tababarada kor loogu qaadayo joogtada ah ee SoDMA guud ahaan iyo shaqaalaha NEOC. Gudoomiyaha, ayaa u mahadceliyay macalinkii iyo xiriiriyaha soo booqday oo uu sheegay in ay garab taagan yihiin, isagoo soo xiray Tababarka.
