Sheekh Maxamed Shaakir Cali Xasan Madaxa Xukuumadda Galmudug ayaa maanta dib ugu laabtay Gobolka Galgaduud, kaddib heshiiskii ay wada galeen Ahlusunna iyo Galmudug kana dhacay Jabuuti iyo Muqdisho Madaxda Soomaaliyana ay goobjoog ka ahaayeen waxaana si wayn loogu soo dhoweeyey Garoonka Diyaaradaha Degmada Guriceel, iyadoo soo dhowaynta ay ka qayb qaateen Xildhibaanno ka tirsan Baarlamaadka Galmudug.
Sheekh Maxamed Shaakir Cali Xasan ayaa bulshada waxa uu kala hadlay Garoonka Diyaaradaha Degmada Curi-ceel, waxa uuna u sheegay inay ku soo guuleysteen howlihii uu ku maqnaa iyo heshiisyadii ay wada galeen Maamulka Galmudug, hadana bulshada ay qayb ka tahay Galmudug .
Related posts
Dhinaca kale waxa uu sheegay Sheekh Maxamed Shaakir Cali Xasan in kulan balaaran oo bari ka dhici doona caasimadda Galmudug ee Dhuusamareb, isla markaana uu bulshada ugu faah faahin doono waxyaabihii ay la soo laabteen hadana uu sii aadi doono magaalada Dhuusaamreb oo loo galbiyey.
Degmooyinka horay ay uga arriminayeen Maalka Ahlusunna ayaa laga dareemay isbadal xoog leh tan iyo wixii ka dambeeyey markii labada dhinac heshiiska ku gaareen Dalka Jabuuti, isla markaana intii dhineyd lagu dhameystiray magaalada Muqdisho, waxaana socanaya diyaar garoow balaaran oo loogu jiro sidii wufuudda soo wajahan loo soo dhoweyn lahaa.
Bashiir Maxamed Xiireey
