Guddoomiyaha Majmaca Culimada Soomaaliyeed Sheekh Yuusuf Cali Ceynte ayaa ka badbaaday Qarax loogu Xiray Gaarigiisa oo yaallay wadada Maka Almukarama.
Qaraxa ayaa dhacay xilli gaariga aanu saarneyn Shekha, balse u jeedku uu ahaa in lagu khaarajiyo.
Taliyaha Booliska Gobalka Banaadir Korneel Bishaar Abshir Geeddi ayaa Wakaaladda Wararka Soomaaliyeed Ee SONNA u sheegay in qaraxa lagu xiray gaariga, halkaasna aysan ka dhalan wax qasaare ah oo soo gaaray sheekha ama dadkii kale ee ka agdhawaa goobta uu qaraxu ka dhacay oo aad u mashquul badneyd.
Kooxda Argagixisada ee Al-shabaab ayaa caan ku ah isku dayada ay ku doonayaan in ay ku khaarajiyaan Culimada,Siyaasiyiinta iyo dadka Magaca iyo qiimaha ku dhex leh bulshada Soomaaliyeed.
