Shirkan looga hadlayey Amnig deegaannada Galmudug ayaa maanta lagu qabtay magaalada Dhusamareb ee Caasimada Dawlad Goboleedka Galmudug, waxaana shir guddoominayey Madaxweyne ku-xigeenaka Dowlad Goboleedka Galmudug Mudne Maxamed Xaashi Cabdi, waxaana ka soo qaybgalay Talyaasha Ciimada Maamulka, Wasiiro iyo Guddoomiyeyaasha Gobollada Mudug iyo Galgaduud.
Kaddib markii la soo gabagabeeyey shirka ayaa waxaa war kooban Warbaahinta ka siiyey Madaxweyne ku-xigeenka Maamulka Galmudug Mudane Maxamed Xaashi Cabdi, waxa uuna sheegay in kulankan uu qayb ka yahay midaynta ciidamada sidoo kalana warbixino la kala qaatay.
Dhimaca kale Madaxweyne ku-xigeenka Galmudug ayaa xusay in la isku afgartay wada shaqayn iyo is kaashi lana qaadi doono dhowaan Howlgallo ka dhan ah Kooxaha Al-Shabaab loogana saarayo meelaha ay ku sugan yihiin.
Shirkan ayaa waxa uu qayb ka yahay dar dar galinta sugidda Amniga Galmudug ayna kala warqataan saraakiisha ciidamada iyo Madaxda Maamulka waxa uuna sidoo kale qayb ka noqanayaa shirarka Amniga looga hadlayo.
By: Maxamed Cabdi
