Shirkan oo looga hadlayey Dhanka Dhaqaalaha iyo sidii loo samayn lahaa Qaadista Canshuuraha iyadoo la waafajinayo Habka Maaliyada iyo isla xisaabtanka ayaa lagu qabtay Magaalada Dhusamareb waxaana ka Qaybgalay Maamulka Degmada, Ganacsato iyo Xubno ka socda Wasaarada Maaliyada Galmudug.
Gudoomiyaha Magaalada Dhusamareb Macalin C/raxman Cali Maxamed ayaa Ganacsatada faray inay bixiyaan Canshuuraha iyaguna Marsiin doonaan Nidaamka saxda ee Canshuur qaadista waxa uuna xusay in laga gudbay xiligii Lacagaha la qaado balse aysan gaari jirin Qasnada Dowlada.
Dhinaca kale Gudoomiyaha ayaa Wasaarada Maaliyada Galmudug ka codsaday in Lacagahaasi la marsiiyo Hanaanka Saxda ah ka Maamul ahaana ay kala Shaqayn doonaan sidoo kalana la tayeeyo Shaqaalaha Maaliyada ka Howlgala.
Maamulka Magaalada Dhusamareb ayaa Maalmihii la soo dhaafay Bulshada la yeelanayey Kulamo Wadatashi ah kuwaas oo lagu hormarinayo Dhaqaalaha iyo Hab Maamulka Magaalada.
