Shirka oo looga hadlayay sidii loo tayeyn lahaa loona tababari lahaa xubnaha ciidanka boliiska Soomaaliyeed ee ka shaqeeya qeybta dembi baarista(C.I.D) ayaa lagu qabtay magaalada Muqdisho.sida ay SONNA ka soo xigatay taliska boliiska Soomaaliyeed.
Taliyaha Ciidanka Boliiska Soomaaliyeed, oo ay la socdaan Saraakiil sar sare oo Ciidanka ah, ayaa maanta kulan kula qaatay Madaxda Sare ee Hay’ada UNODC oo QM u qaabilsan ka hortagga dembiyada Saldhigga Booliiska Airport-ka Caalamiga ah ee Muqdisho (AAIA)
Kulanka ayaa looga hadlay qorshaha tayeynta iyo Tababarada Xubnaha Ciidanka ee Baarista Dembiyada, iyada oo la is dhaafsaday qorshaha mustaqbalka dhow.
Taliska ciidanka booliska Soomaaliyeed ayaa muddooyinkii ugu dambeeyay wada dadaallo ku aaddan howlaha lagu tayeynayo adeegyada boliiska ee bulshada ay u qabanayaan,iyadoo dhawaan dib u habeyn lagu sameeyay howlihii adeegyada C.I.D ay ka helaan bulshada Soomaaliyeed.
