Magaalada Baydhabo ee xarunta Gobolka Baay ahna Caasimada KMG ah Dowladd Gobaleedka Koonfur galbeed Soomaaliya ayaa waxaa goordhow ka furmay shirka looga hadlayo abaarahii dalka ka dhacay sanadihii 2016 iyo 2017 kaas oo ay ka qeybgalayaan Agaasimaha Guud ee Wasaaradaa Qorsheynta Dowladd Federaalka, la taliyaha Horumarinta dhaqaalha iyo cilmi barista Wasiirka Qorsheynta, Agaasimayaasha Guud Ee Wasaaradaha Dowladd gobaleedka koonfur galbeed Somaaliya.
Shirkan ayaa inta uu socdo waxaa lagu eegayaa qiimeyn laga sameeyay abaarahii dalka ka dhacay sanadahaasi dhibaatada ay geysteen, sida looga gaashaaman karo iyo qodabo kale oo dhowr ah.
Masuulayiinta Wasaaraddaha Dowladd Gobaleedka ayaa talooyin la wadaagi doona madaxda wasaaradda qorsheynta ee ku sugan magaaladan,taasoo ku aadan wax ka qabashada abaaraha wadanka ku soo laab laabta ah.
Shirkaan maanta ka furmay Magaalada Baydhabo ee Xaruunta gobolka Baay ayaa qeyb ka ah Dadaalada Dowladda Federaalka Soomaaliya ugu kuurgalayso saamaynta ka dhalatay abaarihii Dalka ka dhacay in ka badan 3 oo xariira inkastoo hada laga soo kabsanaayo abaarihii ku xaalufuyay xoolo iyo dalagyo badan.
W/D: Abdirashiid Nur Ibraahiim.
