Waaxda Isku-duwidda Deeqaha ee Wasaaradda Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya ayaa maanta qabatay Shirka Hannaanka Wadashaqaynta Tiirarka ee qaab-dhismeedka deeqaha dalka.
Shirkan oo socon doona muddo labo maalin ah, islamarkaana ay Isugu yimaadeen hayโadaha Dowladda Federaalka Soomaaliya, Maamul Goboleedyada Dalka iyo Saaxiibada Caalamiga ah ayaa looga hadlay saddex tiir oo kala ah: Horumarinta Dhaqaalaha, Caddaaladda iyo Amniga, Deegaanka iyo Isbedelka Cimmilada.
Related posts
Waxaa madasha goobjoog ahaa oo kalmado furitaan ah ka jeediyay Xoghayaha Joogtada ee Wasaaradda Caddaaladda iyo Arimaha Dastuurka, Agaasimayaasha Guud ee Wasaaradaha Qorsheynta Qaranka, Deegaanka iyo Isbedelka Cimmilada iyo masโuuliyiin ka socday Xafiiska Raโiisal Wasaaraha Soomaaliya.
Qodobada ugu waaweynaa ee dhiiradda la saaray ayaa waxaa ugu muhiimsanaa hawlaha hortabinta u leh heerarka kala duwan ee hayโadaha dowladda ee hoos yimaada sadexda tiir ee aan kor kusoo xusnay, saameynta uu isbedelka Cimmilada ku reebay shacabka Soomaaliyeed iyo xoojinta wadashaqeynta hayโadaha dowladda iyo saaxiibada caalamiga ah.
