Shir socday hal maalin oo ay Safaaradda Soomaaliyeed ee Koofur Afrika ku qabatay Magaalada Johannesburg ayaa looga hadlay dhibaatooyinka iyo horumarka Soomaalida ee Sanadkan sii dhamanaya ee 2014. Sidoo kale waxa lagu soo qaaday waxyaabahii u qabsoomay sanadkan safaaradda, iyo Jaaliyaddaba.
Shirkan waxaa ka qeyb galay ergooyin ka kala socday sagaalka gobol ee Koofur Afrika, Culuma’uddiin, Aqoonyihanno, Haween, Arday iyo marti sharaf kale.
Ergadii ka qeyb gashay shirkaan ayaa su’aalo waydiiyay madaxda safaaradda iyo wakiillada jaaliyadda, ayagoo diiradda saaray sida loo wanaajin karo xiriirka ka dhaxeeya Soomaalida iyo Jaaliyadda iyo sida ay Soomaalidu uga badbaadi karto dhibaatooyinka ay geystaan burcaddu.
Shirkan ayaa noqonaya kii ugu weynaa ee ay Safaaradda Soomaaliyeed ee Koofur Afrika qabato waxeyna madaxda safaaradda sheegeen in Sanad walba Shir noocani ah ay qaban doonaan si loo sameeyo la xisaabtan u dhaxeeya Safaaradda iyo Jaaliyadda.
