Shirweynahan maanta ka furmay magaalada Istanbul ee dalka Turkiga ayaa ugu yeeray waddamada ururka Islaamka xubnaha ka ah inay u howlgalaan sidii ay safaarado uga furan lahaayen Somaliya maaddaama xilligaan isbaddalo nabadeed iyo horumaro ay ka jiraan Soomaaliya
Shirka oo maanta ka furmay magaalada Istanbuul ee dalka turkiga oo ahaa kii 13-aad ayaa waxaa ka qeyb galaya in ka badan 30 Madaxweyne, R/wasaarayaal, iyo madax kale, waxaana lagu soo hadal qaaday in dalalka Islaamka ay ka furtaan safaaradahooda Somaalia si ay door uga qaataan xoojinta xiriirka Somaliya iyo dalalka xubnaha ka ah ururka iskaashiga Islaamamka siiba arrimaha la xiriira mustaqbalka Somaliya inay dowr muuqda ka ciyaaraan.
Wakaaladda Wararka Islaamka Iina oo warkan soo warisay ayaa sheegtay in shirweynahan uu dib u cusbeynsiin doono taageeridiisa dhinaca walba ah iyo dadaalka ay iminka wado xukuumadda Soomaaliya kaasi oo salka ku haya xaqiijinta danaha Soomaaliya iyo sidii Soomaaliya ay cagaheeda isugu taagi lahayd.
Wakaaladdu waxay intaa raacisay in shirweynaha wadamada xubnaha ka ah Ururka iskaashiga Islaamka oo maanta ka furmay Istanbuul uu sii xoojin doonaan canbaareynta falalka argagixisada Alshabaab ka wado Somaliya iyo guud ahaanba waddamada la jaarka siiba mantiqada Geeska Afrika.
Shirweynaha kan xiga ee 14-aad ee Ururka iskaashiga Ismaamka ayaa la isku raacay in lagu qabto dalka Gambia sanadka 2018ka.
Xigasho Wakaaladda Wararka Soomaaliyeed ee SONNA
