Ra’iisul Wasaare Ku Xigeenka Xukuumadda Federaalka Soomaaliya, Mudane Saalax Axmed Jaamac ayaa maanta Muqdisho ka daah-furay Shirka Amniga iyo Saameynta Isbeddelka Cimilada.
Shirkan oo uu soo agaasimay Xafiiska Amniga Qaranka ayaa loo ga dooday saameynta isbeddelka cimiladu ku leedahay labajibbaaridda khataraha amniga qaranka, sida colaadaha ka dhasha isku qabsiga dhul-daaqsineedka iyo baraha waraabka xilli abaareedka.
Isbeddelka cimilada ayaa sida oo kale ka qayb qaata barakaca iyo sugnaan la’aanta cuntada oo labaduba saameyn ku leh xasiloonida bulshada.
Shirkan waxaa ka qeybgalaya xubno ka tirsan Golaha wasiirrada ee Xukuumadda, mas’uuliyiin ka tirsan dowlad gobolleedyada, qaar kamid ah wakiilada beesha caalamka ee Soomaaliya iyo qeybaha kala ee bulshada Soomaaliyeed.
