Agaasimaha Waaxda Caafimaadka Qoyska ee Wasaaradda Caafimaadka iyo Daryeelka Bulshadda Xukuumadda Federaalka Soomaaliya Dr. Mustaf Cawil Jaamac ayaa daah furtay kulanka oo socon doona labo maalin kaasoo u dhaxayn doono Wasaaradda Caafimaadka Xukuumadda Federaalka Soomaaliya iyo Wasaaradaha Caafimaadka ee dowlad goboleedyada xubnaha ka ah dowladda Federaaal iyo Maamul ka Gobolka Banadir.
Shirka ayaa ujeedkiisu ahaa, in marka haro la qiimeeyo wixii qabsoomay sanadkii tagay, caqabadaha jira iyo wax yaabihii laga bartay sanadkii hore si loogu dhiso sanadka cusub ee 2024 iyo Sameynta qorshe dhameesitran ee heer Maamul Goboleed ah taasoo dhameestir u noqon doonto waxyaabaha Qaranka hortabinta u leh gaar ahaan sanadkaan, sida Kor u qaadista tallaalka Carruurta Soomaaliyeed oo ay qeyb ka tahay Cudurada loogu hortago Tallaalka sida Dabeysha iyo Jeedacadda, Kor u qaadista Keyda tallaalka, isku xirka kooxaha farsamo ee heer Federaal, iyo maamul gobolleed iyo sidoo kale Heyโaddaha ka shaqeeyo tallaalka, iyo Diyaarinta Labadda Tallaal ee cusub ee sanadka inta uu uusan dhamaan la daah furi doono oo kala ah (PCV iyo Rota).
Related posts
