Shirka dib-u-heshiisiinta beelaha gobolka Hiiraan ayaa maalintii labaad galay, ayadoo ergo ka socota beelaha dega gobolka ay ku sii qulqulayaan magaalada Beledweyne sida uu ku soo warramayo wariye Cabdishakuur Cusmaan Cali oo ka tirsan Radio Muqdisho.
Odayaal, Waxgarad iyo siyaasiyiin ayaa isugu tagay magaalada Beledweyne ayaa ka shiraya sidii loo heshiisiin lahaa beelaha dega gobolka, tallaabadan ayaa loogu gogol xaarayaa shir guud oo maamul goboleed loogu sameynayo gobolka.
Cabdulqaadir Shacab oo ka mid ah qabanqaabiyeyaasha shirkan ayaa Radio Muqdisho u sheegay in dadka deegaanku ay tashanayaan si ay goโaan uga gaaraan aayahooda siyaasadeed, ayadoo dowladda dhexe ay la wadaagi doonaan waxyaabaha ka soo baxda shirka.
