Waxaa goor dhow ka furmay magaalada Dhuusamareeb ee caasimadda Galmudug shirka wada tashiga madaxda Dowlad Goboleedyada xubnaha ka ah dowladda Federaalka Soomaaliya.
Madaxweynaha Dowlad Goboleedka Galmudug, mudane Axmed Cabdi Kaariye (Qoor-qoor) oo ka hadlayay furitaanka shirka ayaa sheegay in ujeeddada gogosha u dhigeen ay tahay in Madaxweynayaasha Dowlad Goboleedyadu ay uga wada tashadaan hannnaan doorasho ee Dalka oo xor iyo xalaal ah.
Madaxweynaha Galmudug ayaa sheegay in aysan talada Dalku iyaga keliya ku koobnayn, balse ay tahay mid baahsan loona baahan yahay wada tashi.
