Shirkan oo ay soo qaban qaabisay Wasaaradda arimaha dibada iyo iskaashiga Caalamiga ah ee XFS, oo ujeedkiisu ahaa sidii Galmudug ay qayb uga noqon laheyd Wadatashiga siyaasada qaran ee qurbajoogta Soomaaliyeed ayaa Dhuusamareeb laga daahfuray.
Shiran oo hore loogu qabtay qaar kamid ah dowlad goboleedyadaqeybta dalka ayaa waxaa ka qeyb galay qeybaha kala duwan ee bulshada sida odayaasha dhaqanka, Aqoonyahanka, qurbajoog, dadka baahiyaha gaarka ah qaba iyo Mas’uuliyiin ka socday Wasaaraddaha Galmudug.
Gudoomiye kuxigeenka Amniga iyo siyaasada magaalada Dhuusamareeb Cabdi Xaashi Caroole, oo ugu horeyn goobta ka hadley ayaa adkeeyay in ka maamul ahaan ay diyaar u yihiin soo dhaweynta iyo dhiirigalintaba qurbajoogta Soomaaliyeed ee diyaarka u ah maalgashiga dalkooda hooyo.
Agaasimaha Waaxda Qurbajoogta ee Wasaaradda arimaha dibada X.F.S, mudane Maxamed Ibrahim Cawaale, ayaa sharaxaad ka bixiyay marxaladaha ay soo martey isku duba-ridida Siyaasada qaran ee qurbajoogta Soomaaliyeed, taasi oo muhiimad gaar ah u leh guud ahaan dalka.
