Biyo Dhaamintaan oo laga sameeyay Deegaanno hoostaga Degmada Dhuusa Marreeb ee Gobolka galgaduud ayaa loo sameeyay qaar ka mid ah qoysaskii Aabaaruhu ku Saameeyeen Deegaannadaas.
Madax Shirkadda Hormuud ee Degmada Dhuusa Marreeb Xuseen Abshir ayaa sheegay in Deegaanno badan ay shirkadda biyo dhaamin ka sameysay kuwaas oo uu sheegay in ay ka faa’iideysteen dadbadan oo u baahnaa Howshaan.
“waxaan wayadaan biyo qaybin ka wadnay deegaannada u dhexeeya magaalooyinka Balanbal ,Beerley Ceeldheer Xeraale oo aanu dad gaaraya 10,000 Toban Kun gaarsiinay biyo waxaana nagala qeyb qaatay 82 booyadood biyo dhaamintaas” Ayuu Yiri Xuseen Abshir
Qaar ka mid ah dadkii loo Sameeyay Biyo Dhaaminta ayaa aad ugu Mahad Celiyay madaxda Shirkadda Hormuud iyagoo sheegay in ay aad ugu baahnayeen Biyo Dhamintaan iyaga iyo Xoolahooda.
