Shirweyne Qaran ee nidaamka Xeer ilaalinta dalka ayna ka qeybgaleen mas’uuliyiin ka tirsan dowladda F. Soomaaliya ayaa maanta ka furmay magaalada Muqdisho.
Shirkan oo socondoona muddo laba maalin ah ayaa looga doodi doonaย qodabo ay ka midย yahiin, helsita xeer iyo qoraallo khuseeya shaqada xeer ilaalinta, xeer ilaaliyaha hab dhaqanka xeer ilaaliyaasha, xeerka khuseeya cadaalada, asluubta iyo Booliska iyo madax banaanida xafiiska Xeer ilaalinta.
Related posts
Dr.ย Axmed Cali Daahir Xeer ilaaliyaha guud ee Qaranka ayaa tilmaamay in shirkan uu muhiimad wayn u leeyahay bahida caddaalada oo dhan isagii intaa raaciyay in muddada labada maalin ah si wayn ay u falanqayn doonaan shaqada xeer ilaalinta iyo dhisidda dalladย ay ku mideysanyihiin xeer ilaaliyaasha dalkeena.
Wasiirka Cadaalada Xukuumadda Federaalka Soomaaliya ayaa ugu baaqayย bahda cadaalada in ay codkooda ku muujiyaan muhiimada ay cadaaladdu leedahay.
Guddoomiyaha Maxkaada Sare Dalka Abuukaate Ibraahiim Iiidle Suleymaanย oo ka hadlay furitaanka shirkaasi ayaa tilmaamay in shaqada cadaaladdu ay tahay mid aad u culus islamarkaana u baahan in loo guto si hufan oo ay ku dheehantahay Alle ka cabsi iyo waddaniyad.
