Kulan loogu duceynaayay Allaha u naxariistee shuhadadii ku dhimatay Qarixii ka dhacay 24/07/2019 ayaa maanta lagu qabtay mu’asasada Macalin Nuur ee magaalada Muqdisho.
Madasha waxaa ku sugnaa, Wasiiro ka tirsan Xukuumadda Soomaaliya, Xildhibaanno ka mi ah labada Gole ee dowladda, Guddoomiyaha Gobolka Banaadir ahna Duqa Muqdisho Mudane Cumar Maxamuud Maxamed (Cumar filish) Guddoomiye ku xigeenada Maamulka Gobolka Banaadir, Culimaa’udiin, Odoyaal dhaqameed, qaar ka mid ah ehelada marxuumiinta iyo xubno kale.
Dhamaan xubnihii kala duwanaa ee madasha ka qeyb galay ayaa Alle uga baryay in uu Janadii Fardowso ahayd ka waraabiyo shuhadadii ku dhimatay Qarixii maanta oo kale ka dhacay xarunta dowladda Hoose ee Xamar.
