Xoghayaha Joogtada ah ee Xafiiska Raโiisul Wasaaraha Maxamed Abuukar Subeer ayaa guddoomiyey kulanka iskaashiga Agaasimeyaasha Guud ee Wasaaraddaha oo maanta ku qabsoomay Xafiiska Raโiisul Wasaaraha, loogana hadlay dar-dargelinta iyo kor-u-qaaddida gurmadka abaaraha, xasilinta deegaannada laga xorreeyey argagixisada iyo diyaarinta waxqabadka Xukuumadda ee 100kii maalmood ee tagay.
Shirka ayaa intii uu socday lagu gorfeeyey qaabkii loo gaarsiin lahaa adeegyada dowladda dadka ku nool deegaannadii laga saaray argagixisada, maadaama muddo badan ay dhibaato ku hayeen Khawaariijta, dadkuna aysan helin adeeg dowladeed.
Related posts
Sidoo kale, waxaa kulanka looga hadlay in la dardar-geliyo wacyigelinta gurmadka abaaraha oo muhiim u ah sidiiย shacabka Soomaaliyeed ee abaartu xoolahoodii dhaafisay gurmad loola gaari lahaa, xili ku habboon.
Kulanka agaasimeyaasha ayaa la isku raacay in la soo diyaariyo waxqabadka Xukuumadda ee 100kii maalmood, si loogu bandhigo bulshada Soomaaliyeed iyo hannaanka ay u wada shaqayn lahaayeen hayโadaha dowladda, gaar ahaa tiirarka udub dhexaadka u ahย xukuumaddaย #DanQaran ee hoggaamiyo Ra’iisul Wasaare Xamse Cabdi Barre.
