Sii hayaha wasiirka beeraha iyo waraabka soomaaliya ayaa dhagax dhigay wejiga labaad ee dhisamaha xaruuntii hore ee wasaaradda beeraha ee degmada hodan
Qeybta tiyaatarka ,hoolka shirarka iyo tababarada iyo darbiga dheer ee wareega Xaruuntii hore ee waaarada beeraha ayuu dhagax dhigay sii hayaha wasiirka Beeraha iyo waraabka Soomaaliya oo ay wehliyeyn sii hayaha wasiirka ku xigeenka iyo ku simaha agaasimaha guud ahna agaasimaha maamulka iyo maaliyada ee wasaaradda.
Daahir Cabdirixmaan Cabdi oo ka socday shirkada dhismaha fulineysa ee doolow constarction iyo agaasimaha maamulka iyo maaliyada ee wasaarada beeraha Axmed Cilmi Waasuge ayaa sheegay in qeybaha hada la dhisayo ay qeyb ka yihiin horumarka sida guud uga socda wasaaradda beeraha iyo waraabka Soomaaliya
sii hayaha wasiirka beeraha iyo waraabka Soomaaliya mudane Saciid Xuseen Ciid ayaa sheegay in goobaha qeybta ka noqonaya wejiga labaad ee dhismaha ay rajeenayaan inay qeyb weyn ka qaataan shaqooyinka kala duwan ee wasaarada, wuxuuna dhinaca kale xusay inay wadaan dadaalo ay dib ugu soo celinayaan xaruumihii kala duwanaa oo ay laheyd wasaarada beeraha.
Masuuliyiinta wasaaradda beeraha Soomaaliya oo kaashanaya fao ayaa horey ugu guuleystay dhismaha wejiga kowaad ee xaruuntii hore ee wasaaradda Beeraha , waxaana la filayaa in goor dhow xariga laga jaro qeybaha kala duwan ee dib u dhiska lagu sameeyay oo ay ku shaqen doonaan masuulitiinta iyo shaqaalaha wasaaradda beeraha.
