Sii hayaha wasiirka shaqada iyo arrimaha bulshada ee xukumadda federalka Soomaaliya Sadiiq Xirsi Warfaa ayaa maanta kormeer gaaban ku tagaya degmada Xudur ee Gobolka Bakool ee uu ka socdo barnaamijka Baxnaano.
Sii ahayaha wasiirka shaqada dowladda Soomaaliya Sadiiq Xirsi Warfaa ayaa sheegay in magaalada xudur ee deegaannada gobolka Bakool barnaamijka baxnaano loogu talagalay inay la gaarsiiyo 20โ700 oo ka mid ah danyarta ku nool gobolka.
โWaxaan maanta booqasho hal maalin ah ku tagey degmada Xudur Kaasi oo ahaa ย socdaal la xiriirtay u kuurgalida iyo qiimeyn Barnaamijka Baxnaano, waxaan guryahooda ugu tagney qoysaska ku nool deegaannada ku dhow magaalo madaxda gobolka Bakool , ee kala ah Osbielo, Weerow iyo TUBOY, waxaa gobolka ka faaโiideysanaya Baxnaano 20,700 oo ka mid ah labo boqol oo kun – oo qoys.
Sii hayaha wasiirka shaqada ayaa sidoo kale ayaa maamulka degmada xudur uga mahadceliyay sida ay u maamuleen in sidii loogu talagalay loo gaarsiiyo dadkii loogu talagalay in la gaarsiiyo dadkii ku haboonaa.
โBarnaamijkaย Baxnaano, natiijada laga doonayo waa in qoysaska Nugul uu u horseedo kor u kac nololeed, taas oo maanta ay qireen qoysaskii aan booqannay. Sidoo kale waxaan warbixin ka dhageystay masโuuliyiinta degmada , kan gobolka iyo qaybaha bulshada. Waxaan u mahadcelinayaa maamulka degmada Xudur, maamulka gobolka Bakool, masโuuliyiinta deegaanka eeย sida wanagsan noo soo dhaweeyay annigaย iyo wafdiga ila socday ee qeybta ka ahaa socdaalka ayuu yiri sii hayaha wasiirka shaqada Mudane Sadiiq Xiri warfaa.
Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa 18 bishii apriil ee sanaadkaan 2020 daahfuray Barnaamijka Baxnaano oo taakuleyn dhaqaale lagu siinayo qoysaska danyarta ah.
Barnaamijkani waxaa uu ahaa wejiga koowaad ee lagu caawinayay 200,000 qoysas sabool ah oo nugul (qiyaastiina ah 1.3 milyan oo qof) oo haysto carruur daโdoodu ka hoosayso shan sanno ee guud ahaan dalka Soomaaliya.
