Wasiirka Arrimaha Dibadda iyo Iskaashiga Caalamiga, Mudane Abshir Cumar Jaamac, ayaa xalay kulan casho sharaf ah u sameeyay wafdigii uu hoggaaminayay Wasiirka Arrimaha Dibedda iyo Qurba-joogta ee Jamhuuriyadda Yemen Dr Axmed Cawad bin Mubarak oo maalmihii la soo dhaafay booqasho rasmi ah ku joogay dalkeena.
Waxaa kulanka cashada ah kasoo qayb-galay masuuliyiin badan oo ka kala socotay golayaasha kala duwan ee JFSΒ iyo qaar ka mid ah safiirrada safaaradaha dalkeena jooga.
Related posts
Wasiir Axmed Cawad oo hadallo kooban ka jeediyay munaasabadda cashada ahΒ ayaa muujiyay sida uu ugu faraxsan yahay soo dhoweynta iyo niyad wanaagga uu kala kulmay ummadda Soomaaliyeed iyo sida loogu soo dhoweeyey dalka iyoΒ booqashadiisii rasmiga ahayd eeΒ uu ku tegey wasaaradda Arrimaha Dibedda iyo Iskaashiga Caalamiga.
Wasiir Abshir Cumar Jaamac ayaa yiri βAllah SWT ka sokow, waxaan si ballaaran ugu mahadcelinayaa dhammaan shaqaalaha Wasaaradda Arrimaha Dibedda iyo Iskaashiga Caalamiga, gaar ahaan guddiga iyo hawlwadeennada soo agaasimey oo suurtogeliyey in booqashaani ay noqoto mid qurux badan oo guuleysata. Waxaad muujiseen isku xirnaan, isjaceyl, xirfad, adkaysi iyo in martideennu waddankeenna jeclaysato, Allah ha ina guuleeyo.
