Guddiga Arrimaha Gudaha, Dib u heshiisiinta iyo Xiriirka Dowlad Goboleedyada Aqalka Sare, oo ay shir guddoominaysay Guddoomiyaha Guddiga Senator Deeqa Xasan Xuseen, ayaa xafiskooda ku qaabilay xubnaha Guddiga madaxa bannaan ee dib u heshiisiinta Qaran.
Kulanka oo ku saabsanaa is barasho iyo kala war qaadasho, ayaa sidoo kale xubnaha guddiga wax laga waydiiyay, shuruucda dhaqangalka ah ee guddigu ku shaqeeyo, qaab dhismeedka guddiga, wax yaabihii u qabsoomay intii uu jiray, caqabadaha haysta iyo xiriirka kala dhexeeya Wasaaraddda arrimaha gudaha Xukuumadda Federaalka Soomaaliya iyo Dowlad Goboleedyada.
Related posts
Guddoomiyaha guddigga madaxa bannaan ee dib u heshiisiinta Qaran Ismaaciil Macalin Muuse iyo xubnihi la socday oo ka jawaabay su’aalahaas la waydiiyay ayaa sidoo kale soo bandhigay caqabado badan oo ku hor gudban shaqadooda oo ay tahay in guddigu wax kala qabtaan, iyaga oo kaashanaya Golaha guud ee Aqalka Sare.
