Agaasimaha Guud ee Wasaaradda Awqaafta iyo Arrimaha islaamka mudane ๐๐ซ. ๐๐๐๐๐ข๐ง๐๐๐๐๐ ๐๐ฑ๐ฆ๐๐ ๐๐๐๐๐๐ฅ๐ฅ๐, ayaa si fogaan-arag ah uga qayb galay kulanka diyaar-garowga xilliga Xajka 1448H, oo ay soo qabanqaabisay Wasaaradda Xajka iyo Cumrada ee Boqortooyada Sacuudi Carabiya.
Kulanka ayaa diiradda lagu saaray qorsheyaasha iyo diyaar-garowga hore ee xilliga Xajka 1448H, iyadoo laga wada hadlay arrimo muhiim u ah hawlaha xafiisyada arrimaha xujeyda iyo sidii loo sii horumarin lahaa adeegyada loo fidiyo martida Alle.
Related posts
Waxaa kulanka lagu soo bandhigay qodobo ay ka mid yihiin qorshaha shaqo ee Xajka 1448H, jadwalka hawlaha xafiisyada xujeyda, nidaamka isgaarsiinta iyo isku-duwidda, shuruudaha caafimaadka xujeyda, iyo diyaarinta adeegyada muhiimka u ah xilliga Xajka.
Dhinaca Soomaaliya, kulanka ayaa fursad u ahaa in la muujiyo baahiyaha iyo mudnaanta la xiriirta adeegyada xujeyda Soomaaliyeed, gaar ahaan kordhinta qoondada xujeyda iyo xoojinta diyaar-garowga caafimaad ee dadka Soomaaliyeed ee sannad kasta u socda gudashada waajibaadka Xajka.
๐๐ซ. ๐๐๐๐๐ข๐ง๐๐๐๐๐, agaaismaha guud ee wasaaradda oo kulanka kalmad dhinacaya badan taabanaysa kajeediyey ayaa yiri โWaxaan rajeynaynaa in qoondada xujeyda Soomaaliyeed la kordhiyo, si loo daboolo baahida shacabka Soomaaliyeed ee doonaya gudashada waajibaadka Xajka.โ
Kulankan ayaa qayb ka ah dadaallada hore loogu sii diyaarinayo xilliga Xajka 1448H, iyadoo la xoojinayo wada-shaqeynta iyo isku-duwidda u dhexeysa Wasaaradda Xajka iyo Cumrada ee Sacuudi Carabiya iyo xafiisyada arrimaha xujeyda ee dalalka ka qaybgalaya Xajka.
Ka qaybgalka Soomaaliya ee kulankan ayaa sidoo kale muujinaya muhiimadda ay Wasaaradda Awqaafta iyo Arrimaha Diintu siinayso diyaar-garowga hore, si loo hubiyo in xujeyda Soomaaliyeed ay helaan adeegyo wanaagsan, ammaan iyo daryeel ku filan inta ay gudanayaan waajibaadka Xajka.
