Dowladda Soomaaliya hadda ayay gudbisay dacwadda badda ee ka dhanka ah Kenya. Waxaa gacanta laga saaray, Diiwaan hayaha Maxkamadda Caalamiga ah ee Caddaaladda oo ku taal magaalada Hague, dalka Netherlands.
Dacwadda waxaa gudbiyay Xeer Ilaaliyaha Guud ee Jamhuriyadda Federaalka Soomaaliya, Dr. Axmed Cali Daahir, oo ay wahliyaan Danjiraha Soomaaliya u fadhiya Waddamada Benalux iyo Midowga Yurub, Dr. Cali Saciid Faqi, Qareenka Soomaaliya u qaabbilsan dacwaddan, Muna Sharmaan, Qareenno iyo khubaro kale. Waxaa dacwadda guddoomay Diiwaanhayaha Maxkamadda Caalamiga ah ee Caddaaladda, Philippe Couvreur.
Dalka Netherlands ayaa hadda waxaa ku sugan wefdi dowladda Soomaaliya ka socda oo uu horkacayo xeer ilaaliyaha guud ee qaranka isla markaana ay kamid yihiin khubaro Soomaali iyo ajanabi ah kuwaas oo aqoon dheer u leh shuruucda badaha caalamka.
Dukumentiga maanta ay gudbisay dowladda Soomaaliya ayaa waxaa uu ka kooban yahay 150 bog, waxaana dowladda Kenya ay heysataa muddo 10 bilood ah in ay ka jawaabto dacwadan.
Related posts
