Wasiirka Beeraha iyo Waraabka Xukuumadda Fedaraalka Soomaaliya, mudane Axmed Madoobe Nuunow, ayaa magaalada Kampala ee dalka Uganda uga qayb galay shirka sanadlaha ah ee ururka xakameynta Ayaxa iyo dulimada hayaama ee dalalka Bariga Afrika magaciisana lagu soo gaabiyo DLCO-EA, ururkaas oo la aas-aasay sanadkii 1962 kaasoo sanadkiiba mar la qabto.
Shirkaan oo ahaa mid heer wasiir ah oo ay kasoo qayb galeen dhammaan wasiirada beerahah dalalka bariga Afrika ayaa waxaa shir gudoonka 2022 ilaa 2023 la wareegay dowladda federaalka taasoo ugu dambeysay sida uu wasiirku sheegay in ay shir gudoomiyaan sideetameeyadii.
Dowladda Soomaaliya ayaa muddooyinkii danbe kasoo muuqanaysay dhamaan Ururada ay xubnaha ka tahay ee heer gobol iyo heer caalami intaba.
