Kooxda Newcastle United ayaa waxaa garoonkeeda St James’ Park 1-2 uga badiyay kooxda Southampton.
Kooxda Southampton ayaa goolka la hor martay,waxaana daqiiqadii 14-aad ee ciyaarta u dhaliyay ciyaaryahan Eljero Elia.
Ciyaaryahan Yoan Gouffran ayaa daqiiqadii 29-aad ee ciyaarta gool barbardhac ah u dhaliyay kooxda Newcastle United,sidasi ayaana lagu kala nastay qeybtii hore ee ciyaarta.
Ciyaaryahan Eljero Elia ayaa daqiiqadii 62-aad ee ciyaarta goolka labaad ee guusha u dhaliyay kooxda Southampton.
Kooxda Southampton ayaa markii u horeysay mudo 18-sano ah ku badisay garoonka kooxda Newcastle United ee St James’ Park.
Kooxda Southampton ayaa kaalinta sedaxaad uga jirto kala horeynta horyaalka ingiriiska,waxana ay leedahay 42-dhibcood,halka kooxda Newcastle United ay u dhaadhacday kaalinta 11-aad ee horyaalka,iyadoo leh 27-dhibcood.
