Xeer ilaaliyaha guud ee Qaranka Dr. Suleymaan Maxamed Maxamuud, ayaa magaalada Mombasa ee dalka Kenya uga qeybgalaya shir sannadeedka 16-aad ee xeer ilaaliyayaasha Afrika iyo hey’adaha ay shaqo wadaagga yihiin.
Shirka oo uu furay madaxweynaha dalka Kenya William Ruto, ayaa waxaa looga hadli doona wadashaqeynta, xoojinta iyo iskaashiga la xariira ciribtirka dacwadaha dambiyada abaabulan ee ka gudba xaduudaha.
Shirkaan oo soconaya muddo shanta maalin ah ayaa waxaa lagu falanqeyn doona, arrimo ay ka midyihiin, isku soo celinta faa’iidada iyo miraha ka dhasha dambiyada, qaababka dambiyada abaabulan, la dagaalanka maal-gelinta argagixisada iyo xagjirnimada.
