Ganacsatada iibisa qudaarta qeybaha kala duwan iyo Beeraleyda tacabta ee Gobolka Shabeellaha Dhexe ayaa ka cabanaya saameynta uu ku yeeshay Covid-19 suuqayada qudaarta Magaalada Jowhar.
Waxaa guud ahaanba suuqayadaasi laga dareemayaa dhaq dhaqaaqyari ka dib markii la hakiyay isku socodka iyo isdhaxgalka dadka si looga hortago faafitaanka Cudurka safmareenka ah ee Karoona Feyruska.
Qaar ka mid ah Ganacsatadaasi Maagalada Jowhar ayaa inoo xaqiijiyay in isbedel uu ku yimid ganacsigooda waxaana ka mid ah Makaraan Maxamed Cabdule oo ah Ganacsade iibiya mooska waxa sheegay in qiimahiisu uu hoos u dhacay hase ahaatee ay ugu darantahay suuq la,aanta soo wajahday muddooyinkaan .
“Mararka qaar waxaa dhacda inaan suuq la’aanta jirta awgeed aan weyno wax naga iibsada sidaa dareedeed uu halaabo mooska maadaama uusan xamilikarin in waqti badan yaallo “sidaas waxaa yiri Makaraan Maxamed Cabdule oo ganacsade qudaarta iibiya.
Aamina Xaaji Mahdi waxa ay ka mid tahay Beeraaleyda beerta dalagyada kala duwan ee qudaarta waxaa sheegtay in qiimaha ay ku iibiso qudaarata gaah ahaan yaanyada uu wax badan iska bedelaya marka loo eego qarashka ka gala marka la beerayo iyo xaalada suuqa sidoo kale waxa ay sheegtay in guud ahaan ganacsiga laga dareemay saameynta Cudurka Covid-19 tan markii uu soo galay dalka.
“Guud ahaan qudaarta aan keenay sedex meelood halmeed uma helin suuga iyo qiimo lagu iibsankaro waxaana saameyn nagu yeeshay Cudurka Karoona Feyrus si la mid ah suuqyadda Caalamka.” Aamina Xaaji Mahdi waxa ay ka mid tahay Beeraaleyda beerta dalagyada kala duwan ee qudaarta.
.
