Tababarkan oo ay iska kaashanayaan Wasaaradda Warfaafinta heer Federaal iyo dowlad goboleedka Koofur Galbeed, isla markaana ay ka faa’iideysanayaan 30 ka mid ah Wariyeyaasha dumarka ah ee ka howlgala warbaahinta deegaanada Koofur Galbeed, ayaa muddo seddex maalmood ah oo uu socday waxaa diiradda lagu saarayaa, kor u qaadidda doorka dumarka ku jira saxaafadda ee maamulka hay’adaha Warbaahinta..
Cabdiraxmaan Maxamed Aadam ( Koronto) Lataliyaha Wasaaradda Warfaafinta, Dhaqanka iyo Dalxiiska Soomaaliya ayaa tilmaamay ahmiyadda tababarkan uu ahaa qibrad wadaag iyo muujinta kaalinta wanaagsan ee gabdhaha suxufiyiinta ah ma qaadan karaan horumarinta maamulka Warbaahinta.
Ka qeyb galayaasha ayaa u mahad celiyay Macalimiinta iyo Wasaaradda Warfaafinta heer Federaal iyo dowlad goboleedka Koofur Galbeed qabashada tababarkan oo ay sheegeen in ay ka faa’iideen waxbadan.
Wasiirka Warfaafinta iyo Wacyigelinta Koonfur Galbeed mudane Cabdifitaax Cali Yuusuf oo soo xiray tababarka, ayaa u mahadceliyay Wasaaradda Warfaafinta, Dhaqanka iyo Dalxiiska dowladda Federaalka, waxa uuna xusay in ay iska kaashadeen qabashada tababarkan si loo xoojiyo kaalinta gabadha Saxafiyiinta ah ee maamulka hay’adaha Warbaahinta.
Tababarkan waa kii afaraad oo wasaaradda Warfaafinta, Dhaqanka iyo Dalxiiska XFS ku qabato xarumaha dowlad goboleedyada iyada oo wasaaradaha Warfaafinta heer dowladhaa xubnaha ah dowladda Federaalka si kor looga qaado kaalinta gabdhaha saxaafadda Ku jira ee maamulka hay’adaha Warbaahinta.
