Tababarkan oo socan doono muddo todabaad ah islamarkaana lagu baran doono hanaanka ilaalinta Canshuuraadka ayaa maanta Magaalada Galkacyo uga furmay Ciidamada Ilaalinta Canshuuraadka Gobalka Mudug ee Maamulka Galmudug.
Tababarkan oo ay soo agaasintay laanta ilaalinta Canshuuraadka Ciidanka Booliiska Galmudug ayaa waxaa ugu horeyn Ka Warbixiyay Taliyaha Ciidan Ilaalinta Canshuuraadka Ciidanka Booliiska Galmudug G/Dhaxe Aadan Urur Cabdi oo ka hadlay Tababarka iyo waxa Uu ku saabsan yahay waxaana uu xusay in mudada todabada maalmood ah oo uu socdo Lagu baran doono Casharo la xariira hanaanka Ilaalinta Canshuuraadka iyo u adeegida Bulshada Gobalka Mudug isagoo dhan kalana sheegay in wax weyn ay ka badali doonto dardar galinta howlaha qaadista canshuraadka Galmudug oo haatan Dowlad Gobaleedka Galmudug ay xooga saarayaan Horumarinta Daqliga Canshuuraha.
Wasiiru Dowlaha Wasaarada Maaliyada Galmudug Cabdiraxiin Xasan Cabdullahi oo lagu Casuumay Furitaanka Tababarka ayaa isna kula dardaarmay Ciidanka Ilaalinta Canshuuraadka gudashada waajibaadkooda shaqo.
