Tababarkan oo lagu baranayo ka hor tagga musiibooyinka dabiiciga ah oo ay si wada jir ah u soo qaban qaabiyeen dowladaha Soomaaliya iyo Kenya ayaa maanta ka furmay magaalada Nairobi.
Tababarkan oo socon doono mudo shan maalmood ah ayaa waxaa maalgalinaya urur goboleedka IGAD iyo Bangiga aduunka.
Tababarkan lagu baranayo ka hor tagga musiibooyinka dabiiciga ah ayaa waxaa ka qeyb galaya xubno ka tirsan gudiga baarlamaanka u qaabilsan arrimaha gudaha,wasiiru dowlaha wasaarada arrimaha gudaha iyo Federaalka C/rashiid Maxamed Xidig ,wasiiru dowlaha wasaarada warfaafinta,dhaqanka iyo dalxiisa Maxamuud Cabdi Xasan(Bekos) iyo masโuuliyiinta ka tirsan hayโadda maareeynta musiibooyinka ee dalka Kenya.
Wasiiru dowlaha wasaarada wafraafinta,dhaqanka iyo dalxiiska Maxamuud Cabdi Xasan (Bekos) ayaa sheegay in ujeedada tababarkan ay tahay qaabaabkii ay labada dowladood isaga kaashan lahaayeen ka hor tagga musiibooyinka dabiiciga ah.
Wasiir Bekos ayaa intaasi ku daray in tababarka looga hadlayo doorka ay warbaahintu ka qaadan karto ka hor tagga musiibooyinka dabiiciga ah iyo sidii shacabka loo gaarsiin lahaa marka ay musiibooyinkasi dhacaan si aysan u badan qatarta musiibooyinkaasi.
Sawir qaade:- Hassan Omar Baffo
