Tababarkan oo ay bixinayeen khuburo xagga sharciga ah oo ka socota Baarlamanka Federaalka ah ee Soomaaliya ayaa maanta loo furay Xildhibaanada Galmudug, iyadoo lagu dhisayo awooda Xildhibaanada ee ku aadan dhaqangalinta Xeerhoosaadka, Dastuurka Galmudug iyo qaabka hindise sharciyeedyada loo diyaariyo.
Carafaat Cali Maxamed oo ka mid ahaa aqoonyahanadii tababarkan bixinayay ayaa Xildhibaanada kula dardaarmay inay gartaan kaalinta ay ka joogaan dawlad goboleedka Galmudug iyo awoodohooda.
“waxaad leedihiin xeer dajin, xeerarka lagu kala dambeeyo ee dawlad goboleedkan adinka ayaa gacanta ku haya, waxaad kaloo leedihiin inaad la xisaabtantaan oo aad kormeertaan xukuumadda iyo hay’adaha kale ee madaxa banaan, waxaad matashaan shacabka”.
Gudoomiyaha gobolaha Baarlamanka Galmudug Cali Gacal Casir ayaa sheegay in tababarkan uu muhiim u yahay, isagoo uga mahadceliyay Baarlamanka Federaalka taageerada ay siiyeen.
“waxaa looga faa’iideynayay Xildhibaanada sida xeerarka iyo Dastuurka sida loogu dhaqmayo iyo shuruucda kale fulintooda, dhaqanka wanaagsan ee Xildhibaanada laga doonayo.
aad baan uga mahadcelinayaa shaqada tirada badan ee ay qabteen, dawlada Federaalka iyo gudoonka Baarlamanka waxaan aad ugu amaanayaa sida ay noo garab galeen”
Tababarkan oo socondoona maalmaha dhawraka maalmood ee inagu soo aadan ย ayaa ka mid ah talaabooyinka sara loogu qaadayo xirfadda Xildhinaanada Galmudug oo hadda kuguda jira kalfadhigoodii ugu horeeyay.
