Ciidanka ilaalada Badda ee maamulka Punlnad ayaa gacanta ku dhigay doon ay la socdeen dad tahriibeyaal ah oo isugu jira Soomaali iyo Itoobiyaan kuwaas oo ku sii jeeda Dalka Yemen.
Doontan oo ay la socdeen 106 qof, ayaa lagu qabtay degaanka xeebta ah ee Mareera, xilli ay u dhaqaaqi lahayd dhinaca Badda Cas si ay u gaarto waddanka Yemen.
Taliyaha ciidamada Ilaalada Badda ee Puntland Cabdirisaq Diiriye Faarax ayaa sheegay in dadka tahriibeyaasha ah ay yihiin 80 rag ah iyo 26 haween ah. Sidoo kale toddobo qof oo ka mid ahaa dadka wax tahriibinayay oo ay ku jiraan milkiileyaashii doonta ayaa la soo qabtay.
Wuxuu sheegay Cabdirisaaq Daariye in tahriibku uu dambi yahay, isla markaana maxkamad la geyn doono kuwa wax tahriibinayay iyo tahriibeyaashaba.
